တောင်ကြီး စက်တင်ဘာ ၃၀

တောင်ကြီးမြို့၊ ချယ်ရီလမ်း၊ ပြည်တော်သာရပ်ကွက်ရှိ S. I. R ကိုယ်ပိုင်အထက်တန်းဆင့်သင်ကျောင်းမှ ကျောင်းတည်ထောင်သူ၊ တာဝန်ခံဆရာ ဦးချမ်းငြိမ်းကိုကို ဦးဆောင်သော ကျောင်းသား၊ ကျောင်းသူများနှင့် တာဝန်ခံဆရာ၊ ဆရာမများ စုစုပေါင်း(၂၈၆)ဦးတို့သည် ယနေ့မွန်းလွဲပိုင်းအချိန်က ရှမ်းပြည်နယ်လွှတ်တော်ရုံးသို့  လာရောက်လေ့လာကြရာ ပြည်နယ်လွှတ်တော်ဥက္ကဋ္ဌ ဦးစိုင်းလုံကျော်နှင့် တာဝန်ရှိသူများက ရင်းရင်းနှီးနှီး ကြိုဆိုနှုတ်ဆက်ခဲ့သည်။

ရှေးဦးစွာ ပြည်နယ်လွှတ်တော်ဥက္ကဋ္ဌသည် အဆိုပါလေ့လာရေးအဖွဲ့အား ရှမ်းပြည်နယ်လွှတ်တော်ရုံး၊ အစည်းအဝေးခန်းမ၌ တွေ့ဆုံခဲ့ပြီး ရှမ်းပြည်နယ်လွှတ်တော်၏ သမိုင်းကြောင်းနှင့် ဖွဲ့စည်းထားမှု အခြေအနေများ၊ ရှမ်းပြည်နယ်လွှတ်တော်၏ လုပ်ငန်းဆောင်ရွက်မှုဆိုင်ရာကိစ္စရပ်များနှင့်ပတ်သက်၍ Powerpoint ဖြင့် အကျယ်တဝင့် မိတ်ဆက် ရှင်းလင်းပြောကြားခဲ့ပြီး လာရောက်လေ့လာသည့်ကျောင်းသား၊ ကျောင်းသူများက သိရှိလိုသည်များကို မေးမြန်းခဲ့ရာ လွှတ်တော်ဥက္ကဋ္ဌက ပြန်လည်ရှင်းလင်းဖြေကြားပေးခဲ့ပြီး လွှတ်တော်ဥက္ကဋ္ဌနှင့်အတူ အမှတ်တရမှတ်တမ်းတင်ဓာတ်ပုံများ ရိုက်ကူးခဲ့ကြသည်။

အဆိုပါ လာရောက်လေ့လာကြသည့်အဖွဲ့တွင် Grade 10 ကျောင်းသားဦးရေ(၃၉)ဦး၊ Grade 11 ကျောင်းသားဦးရေ(၁၂၅)ဦး၊ Grade 12 ကျောင်းသားဦးရေ(၁၀၂)ဦးနှင့် ဆရာ၊ ဆရာမ (၂၀)ဦး ပါဝင်ကြောင်း သတင်းရရှိသည်။